原來聽日就DSE放榜啦～
姐姐我生存喺會考同高考既年代
已經分別係2008年同2010年發生....
最近果個都已經過左六年。
其實已經唔係好記得果種忐忑不安感
不過明既，第一次面對呢種殘酷既東西的確係應該緊張
當年我中五會考放榜，成績不過不失
最後哭了是因為好朋友考唔到14分升唔到原校.....
中七高考考得比較差，都心知應該無大學收
於是好冷靜，自己一個人，去左搵asso讀
自己一個去聽講座，報名，面試，回家，沒有哭。
五年之後，
唔係想用old seafood語氣話您知：放榜其實好小事。
而係想話您知，除非您要去做醫生律師專業人士
不然依家社會實在有太多路太多選擇
而且～根據我既觀察，身邊當日放榜低分既人今日一樣活得很好
所以活得怎樣是在乎您個人本身，
高分低能讀書好好但黑人憎既人真係一街都係
所以，要學習做個社交叻啲既人比較重要
Any肥，當局者迷
緊張到賴屎都應該聽唔入耳
加油啦～只要做好最壞打算，準備好點處理，就得
最緊要知道自己想點姐
呢個年齡能夠知道自己想行咩路已經勝人一步
祝福大家做個高分既醒目仔～
Search